ਜਾਣੋ ਕਿਸ ਜਗ੍ਹਾ ਵਿਕ ਰਿਹਾ ਹੈ 25 ਰੁਪਏ ਕਿਲੋ ਪਿਆਜ, ਕੀਮਤਾਂ ਵਧਣ ਦਾ ਕਾਰਨ ਅਤੇ ਕਦੋ ਤਕ ਕੀਮਤਾਂ ਘੱਟ ਹੋਣਗੀਆਂ

admin December 7, 2019 No Comments

ਪਿਆਜ ਦੀਆਂ ਅਸਮਾਨੀ ਚੜ੍ਹੀਆਂ ਕੀਮਤਾਂ ਰੁਕਣ ਦਾ ਨਾਮ ਨਹੀਂ ਲੈ ਰਹੀਆਂ | ਜਿਥੇ ਪਿਆਜ ਨੇ ਇਕ ਆਮ ਵਿਅਕਤੀ ਦੇ ਘਰ ਦੇ ਬਜਟ ਨੂੰ ਖਰਾਬ ਕੀਤਾ ਹੈ ਓਥੇ ਈ ਸਰਕਾਰ ਲਈ ਵੀ ਇਕ ਵੱਡੀ ਸਮੱਸਿਆ ਬਣ ਕੇ ਸਾਹਮਣੇ ਆਈ ਹੈ| ਬਾਜ਼ਾਰ ਵਿੱਚ ਪਿਆਜ 80 ਤੋਂ 100 ਰੁਪਏ ਪ੍ਰਤੀ ਕਿੱਲੋ ਦੇ ਹਿਸਾਬ ਨਾਲ ਵਿੱਕ ਰਿਹਾ ਹੈ| ਵਿਆਹਾਂ ਦੇ ਸੀਜਨ ਕਰਕੇ ਪਿਆਜ ਦੀ ਵੱਧਦੀ ਡਿਮਾਂਡ ਕਾਰਨ ਵੀ ਪਿਆਜ ਦੀ ਕੀਮਤ ਵੱਧ ਰਹੀ ਹੈ |

ਪਰ ਤੁਸੀ ਇਹ ਜਾਣ ਕੇ ਹੈਰਾਨ ਹੋਵੇਗੇ ਕਿ ਕੁਝ ਥਾਵਾਂ ਤੇ ਇਹ 25 ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਵੀ ਵਿੱਕ ਰਿਹਾ ਹੈ| ਸਰਕਾਰ ਵੱਲੋ ਦਿੱਲੀ ਚ ਬਫਰ ਸਟਾਕ (ਸਰਕਾਰ ਵੱਲੋ ਮੁਸ਼ਕਿਲ ਹਾਲਾਤਾਂ ਜਾਂ ਕੀਮਤ ਵਧਣ ਦੀ ਸਥਿਤੀ ਚ ਵਰਤਨ ਲਈ ਜਮਾ ਕੀਤਾ ਸਟਾਕ) ਤੋਂ ਪਿਆਜ ਮੁਹਇਆ ਕਰਵਾਇਆ ਜਾ ਰਿਹਾ ਹੈ ਅਤੇ ਮਦਰ ਡੇਅਰੀ ਵਿਚ 25 ਰੁਪਏ ਦੇ ਰੇਟ ਤੇ ਪਿਆਜ ਵੇਚੇ ਜਾ ਰਹੇ ਨੇ | ਅਧਿਕਾਰੀਆਂ ਅਨੁਸਾਰ ਆਉਣ ਵਾਲੇ ਕੁਝ ਦਿਨਾਂ ਚ ਪਿਆਜ ਦੀਆਂ ਕੀਮਤਾਂ ਘੱਟ ਹੋਣ ਦੀ ਉਮੀਦ ਹੈ ਕਿਉਕਿ ਮਹਾਰਾਸ਼ਟਰ, ਰਾਜਸਥਾਨ ਅਤੇ ਹੋਰ ਰਾਜਾਂ ਤੋਂ ਨਵੀਂ ਫ਼ਸਲ ਦੀ ਆਮਦ ਸ਼ੁਰੂ ਹੋ ਗਈ ਹੈ |

ਕੇਂਦਰ ਸਰਕਾਰ ਦੁਆਰਾ ਮਦਰ ਡੇਅਰੀ ਚ ਪਿਆਜ 25 ਰੁਪਏ ਮਿਲਣ ਦੀ ਖ਼ਬਰ ਸੁਣਦੇ ਹੀ ਲੰਬੀਆਂ ਲੰਬੀਆਂ ਕਤਾਰਾਂ ਦੇਖਣ ਨੂੰ ਮਿਲੀਆਂ| ਹਾਲਤ ਇਥੋਂ ਤਕ ਹੋ ਗਏ ਕਿ ਕਈ ਆਊਟਲੈੱਟ ਤੋਂ ਸਟਾਕ ਖਤਮ ਹੋਣ ਦੀਆਂ ਖ਼ਬਰਾਂ ਵੀ ਆਉਣ ਲੱਗ ਪਈਆਂ ਹਨ| ਕਈ ਥਾਵਾਂ ਤੇ ਲੋਕਾਂ ਨੂੰ 2-3 ਘੰਟੇ ਲਾਈਨ ਵਿਚ ਲੱਗਣ ਤੋਂ ਬਾਅਦ ਵੀ ਖਾਲੀ ਹੱਥ ਮੁੜਨਾ ਪਿਆ|

ਪਿਆਜ ਦੀਆਂ ਕੀਮਤਾਂ ਵਧਣ ਦਾ ਕਾਰਣ:-

1. 2019 ਵਿਚ ਮੌਨਸੂਨ ਦੇ ਦੇਰੀ ਨਾਲ ਆਉਣ ਕਾਰਨ ਪਿਆਜ ਦੇ ਬੀਜਾਈ ਖੇਤਰ ਵਿਚ ਗਿਰਾਵਟ ਆਉਣ ਦੇ ਨਾਲ ਨਾਲ ਬੀਜਾਈ ਵਿਚ ਵੀ 3 ਤੋਂ 4 ਹਫ਼ਤਿਆਂ ਦੀ ਦੇਰੀ ਹੋਈ|

2. ਇਸ ਤੋਂ ਇਲਾਵਾ ਗੁਜਰਾਤ, ਕਰਨਾਟਕ ਅਤੇ ਮੱਧ ਪ੍ਰਦੇਸ਼ ਦੇ ਇਲਾਕਿਆਂ ਚ ਅਕਤੂਬਰ ਮਹੀਨੇ ਦੌਰਾਨ ਹੋਈ ਬਾਰਿਸ਼ ਕਾਰਨ ਪਿਆਜ ਦੀ ਫ਼ਸਲ ਦਾ ਬਹੁਤ ਨੁਕਸਾਨ ਹੋਇਆ| ਜਿਸ ਕਰਕੇ ਪਿਆਜ ਦੀ ਸਪਲਾਈ ਘਟ ਗਈ ਹੈ |

ਸਰਕਾਰ ਦੁਆਰਾ ਵੱਧਦੀਆਂ ਕੀਮਤਾਂ ਨੂੰ ਰੋਕਣ ਲਈ ਕੀਤੇ ਗਏ ਉਪਾਅ:-

1. ਕੀਮਤਾਂ ਨੂੰ ਕਾਬੂ ਚ ਕਰਨ ਲਈ ਕੈਬਨੈਂਟ ਵੱਲੋ 1.2 ਲੱਖ ਟਨ ਪਿਆਜ ਦੇ ਆਯਾਤ ਨੂੰ ਮੰਜੂਰੀ ਦੇ ਦਿਤੀ ਗਈ ਹੈ|

2. ਸਰਕਾਰ ਵੱਲੋ ਪਿਆਜ ਦੇ ਨਿਰਯਾਤ ਤੇ ਰੋਕ ਲਗਾ ਦਿਤੀ ਹੈ|

3. ਸਰਕਾਰ ਵੱਲੋ ਕੀਮਤਾਂ ਦੀ ਜਾਂਚ ਕਰਨ ਲਈ ਸਟਾਕ ਦੀ ਲਿਮਿਟ ਬਣਾ ਦਿਤੀ ਗਈ ਹੈ| ਕੇਂਦਰ ਸਰਕਾਰ ਵੱਲੋ ਰਾਜਾਂ ਨੂੰ ਸਟਾਕ ਲਿਮਿਟ ਘੱਟ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ| ਨਵੀਂ ਸਟਾਕ ਲਿਮਿਟ ਅਨੁਸਾਰ ਰੀਟੇਲ ਵਪਾਰੀ ੧੦੦ ਕਿਲੋ ਅਤੇ ਹੋਲਸੇਲ ਵਪਾਰੀ ੫੦੦ ਕਿਲੋ ਤਕ ਪਿਆਜ ਆਪਣੇ ਸਟਾਕ ਵਿੱਚ ਰੱਖ ਸਕਦਾ ਹੈ|

4. ਪਿਆਜ ਦੀਆਂ ਕੀਮਤਾਂ ਨੂੰ ਰੋਕਣ ਲਈ ਭਵਿੱਖ ਚ ਤੁਰਕੀ ਅਤੇ ਅਫਗਾਨਿਸਤਾਨ ਤੋਂ ਪਿਆਜ ਨਿਰਯਾਤ ਕੀਤਾ ਜਾ ਸਕਦਾ ਹੈ|

5. ਕੇਂਦਰ ਸਰਕਾਰ ਦੁਆਰਾ ਸਰਵਜਨਕ ਖੇਤਰ ਦੀ ਟ੍ਰੇਡਿੰਗ ਫਰਮ ਨੇ ਪਿਆਜ ਦੀਆਂ ਕੀਮਤਾਂ ਤੇ ਕਾਬੂ ਪਾਉਣ ਲਈ ਮਿਸਰ ਤੋਂ ੬੦੦੦ ਟਨ ਪਿਆਜ ਦਾ ਨਿਰਯਾਤ ਦੀ ਮਨਜ਼ੂਰੀ ਲਈ ਹੈ| ਨਿਰਯਾਤ ਕੀਤੇ ਪਿਆਜ ਨੂੰ ੫੦ ਰੁਪਏ ਦੇ ਹਿਸਾਬ ਨਾਲ ਵੱਖ ਵੱਖ ਰਾਜਾਂ ਵੇਚਿਆ ਜਾਵੇਗਾ | ਨਿਰਯਾਤ ਕੀਤਾ ਪਿਆਜ ਦਸੰਬਰ ਦੇ ਮਹੀਨੇ ਚ ਬਾਜ਼ਾਰ ਚ ਆਉਣ ਦੀ ਆਸ ਹੈ|